onsdag den 10. juni 2009

Como comprar le libro TROLL?

Pro comprar le libro troll, tu debe vader al pagina del libro in le sito del casa editorial per cliccar hic. Quando tu ha cliccate "hic" le pagina de TROLL se aperi in un nove fenestra. In le imagine justo in basso tu pote vider le aspecto del pagina. Nota le duo campos que in le imagine es marcate per rectangulos jalne - illos tu debe usar. Lege plus in infra.



Ora tu debe:

1) seliger le numero de exemplares que tu vole comprar in le campo “Antall” in le angulo dextre in basso (marcate in le imagine in supra con un rectangulo),

2) cliccar le button “Kjøp” (comprar), justo apud le campo mentionate,



3) cliccar le button “SE HANDLEVOGN” in le angulo sinistre in supra (marcate con un rectangulo jalne in le prime imagine in supra).



Alora tu arriva a un nove pagina ubi se monstra le detalios de tu ordine.



Le parolas significa:

Handlevogn”: Carretta de compras, “Produkt”: Producto, “Pris Stk”: Precio per libro, “Antal”: Numero, “Frakt”: Porto, “Total sum”: Summa total, “Send bestillingen”: Invia le ordine.

Le precios es monstrate in coronas norvegian. Le precio de porto standard es 20 NOK pro transporto a Norvegia, 40 NOK al resto de Europa, e 65 NOK al resto del mundo. Ma si tu compra le libro TROLL, Osmund Aukland va pagar le porto pro te! Dunque le ver costo del porto pro te es: 0 NOK!

Hic tu debe:

4) cliccar “Send bestillingen

Alora tu arriva a un pagina ubi tu debe scriber alicun informationes personal.



(Clicca le imagine pro aperir lo in formate plus grande in un nove fenestra.)

Scrolla a basso al titulo “Registrering for nye brukere” (Registration de nove usatores) e 5) plena le campos. Le parolas significa:

Kategori: Categoria (selige “privat” (private))
Firma: Firma
Fornavn: Prenomine
Etternavn: Nomine de familia
Faktura adresse: Adresse de factura
Postnr.: Codice postal
Poststed: “Loco” postal; i.e. urbe, o quecunque loco corresponde con le codice postal de uno.
Tlf: Numero de telephono
E-post/brukernavn: Adresse de e-posta (va esser usate como nomine de usator)
Passord: Contrasigno (inventa un tal)
Bekreft passord: Confirma contrasigno (scribe le mesme parola que tu justo scribeva)
Leverings adresse: Adresse de livration
(om annen en faktura adresse): si isto non es identic con le adresse de factura
adresse som over: invia le libro al adresse de factura

Dunque si tu adresse de factura es identic con illo de livration
(p.ex. tu casa!) simplemente marca le checkbox “adresse som over”

Andre opplysninger: (altere informationes)
Hic tu debe scriber le nomine de tu pais!

(In le imagine justo in supra tu pote vider alicun de iste signficationes scribite in le campos differente.)

6) Finalmente clicca “Fortset bestillingen

Ora tu arriva a un pagina ubi tu debe indicar tu informationes de
carta de pagamento. Solmente cartas Visa e Mastercard pote esser
usate.




Le parolas significa:

Sum å betale: Summa a pagar: 260 NOK

Como mentionate iste summa es incorrecte - tu debe officialmente pagar 280 NOK in total si tu vive in un pais europee (foras de Norvegia) o 305 NOK, si tu vive in un pais foras de Europa. Ma Åsmund Aukland ha decidite a mesme pagar le porto! Dunque solmente 240 NOK va esser debitate de tu conto bancari, non importa ubi tu vive!

Fyll inn kredittkortnummer: Scribe hic le numero de tu carta Visa o Mastercard.

Utlopsdato: Data de expiration; indica hic le mense e anno quando tu carta de credito va expirar.

Finalmente, pro compler le compra e pagar le summa, tu debe cliccar
Send” (inviar).

Sperabilemente un nove pagina va apparer, ubi se scribe:

“Handlekurv
Takk for din bestilling.
Du vil om kort tid motta en kvitteringsmail.
Normalt vil bøkene du har bestilt være deg i hende i løpet av 48 timer.”

Le qual significa: “Carretta de merces, Gratias pro tu ordine. Tu va in breve reciper un mail de quitantia. Normalmente le libros que tu ha ordinate va esser livrate post non plus que 48 horas”

Ma nota que iste casa editorial normalmente vende solmente a Norvegia, e que un livrantia al extero dunque pote exiger plus tempore."

Ingen kommentarer:

Send en kommentar

Send en kommentar